‘રાવણ’ પર ખડગેની ટિપ્પણી વડાપ્રધાન નરેન્દ્ર મોદીએ આપ્યો જવાબ

વડાપ્રધાન નરેન્દ્ર મોદીએ કોંગ્રેસ અધ્યક્ષ મલ્લિકાર્જુન ખડગેની ‘રાવણ’
ટિપ્પણી પર આકરી પ્રતિક્રિયા આપી હતી. વડાપ્રધાન નરેન્દ્ર મોદીએ ગુરુવારે
ગુજરાતના કલોલમાં ચૂંટણી પ્રચાર રેલીમાં ભાગ લીધો હતો. આ પ્રસંગે તેમણે
કોંગ્રેસ પર આકરા પ્રહારો કર્યા હતા. વડાપ્રધાને સૌથી પહેલા ખડગેની ‘રાવણ’
જાહેરાત પર પલટવાર કર્યો હતો. તેમણે કહ્યું કે કોંગ્રેસ પાર્ટીમાં ખરાબ સિસ્ટમ
છે અને હવે તે પાર્ટીમાં તેને વધુ બદનામ કરવાની સ્પર્ધા ચાલી રહી છે.
વડાપ્રધાન મોદીએ બીજા તબક્કાના મતદાનની પૂર્વ સંધ્યાએ ગુજરાતમાં પ્રચાર કર્યો
હતો. તેમણે કહ્યું કે મોદીનું સૌથી વધુ અપમાન કોણ કરી શકે છે તેના પર સ્પર્ધા
ચાલી રહી છે. ગુજરાત વિધાનસભાની ચૂંટણી પહેલા કોંગ્રેસ અને ભાજપ વચ્ચેનો
શબ્દયુદ્ધ ચર્ચાનો વિષય બન્યો છે.